Naglab-ot sa 13 ka mga kiosko ang natupok sang kalayo matapos magluntad ang sunog sa isa ka Commercial Building sa banwa sang Sta. Barbara mga alas 8:45 sini nga gab-i (Dec 8).
Ang nasunog nga building ang ginapanag-iyahan ni Wilfredo Sindico nga may 13 ka mga tenants.
Suno kay Sindico nga posible nag-umpisa ang kalayo sa ikatlo nga kiosko kon sa diin naga-karinderya ang tenant.
Ginabanta nga naglab-ot sa tatlo tubtub lima ka Milyon ka pesos ang natuga nga damage sang nasambit nga sunog.
Ginpahayag naman ni SFO1 jake Ronald Solis, arson investigator sang Sta. Barbara Fire Station nga padayon pa nila nga gina-imbestigahan ang insidente agud matumod kon ano gid ang ginhalinan sang kalayo nga nagtuga sang nasambit nga sunog.
Facebook Comments
