General Santos City—Patay ang usa ka 14 anyos nga binatilyo human nadat-ugan ug basketball ring sa may Agan Centro, Barangay Lagao, Gensan alas 10:35 ang takna sa gabie.
Biktima giilang si John Paul Panerio, 14, resIdenti sa Balite, Barangay Lagao, Gensan.
Sa imbistigasyon sa kapulisan nasuta nga pauli na unta ang biktima uban sa iyang amigo nga si Cornillo Delos Santos, 16 anyos apan pag abot sa may Agan Centro ilang naagian ang usa ka basketball court.
Gikapyutan matud pa sa biktima ang basketball ring kung asa kalit kining natumba ug nadat-ugan ang ulo sa biktima sa poste sa maong basketball ring.
Paspas nga gidala sa ospital ang biktima apan human sa pipila ka oras, nakabsan kini ug kinabuhi. Sa karon ang patayng lawas sa biktima anaa na sa lokal nga punerarya sa Gensan.
