14 ka bag-ong barong-barong sa capitol grounds, gidemolish

73
PC: RadyoMaN Nitz Arancon

14 ka mga bag-o lang gitukod nga mga barong-barong sa capitol grounds ang gipangdemolish sa provincial government sa Misamis Oriental karong buntag.

 

Ang maong barong-barong gihimo sa mga bakwit nga kapin usa ka tuig nang nagpuyo sa maong lugar.


 

Gisugdan sa mga bakwit paghimo ang maong estruktura niadto pang Domingo, Hunyo 16.

 

Gipasabot ni Junry Boy Ilogon, tigpamaba sa mga bakwit nga ilang gitukod ang maong mga barong-barong kay naguba na ang ilang gipuy-an ug gakabasa na sila sa ulan.

 

Nasayran nga mokabat sa 30 ka pamilya o 145 ka indibidwal ang nagpabilin pa gihapon karon sa capitol grounds kay wala pa mahatag sa provincial government ang ilang hangyo nga ipapahawa sa ilang lugar sa Sitio Kamansi, Barangay Banglay, Lagonglong, Misamis Oriental ang militar, walaon ang detachment sa mga sundalo ug dili sila gusto sa planong pagpalambo sa eco-tourism sa ilang lugar.

 

Mahinumduman nga nibakwit sa kapitolyo ang maong mga indibidwal human sa nahitabong engkwentro tali sa NPA ug militar sa ilang lugar sa milabayng tuig.

Facebook Comments

From Advertisers