14 ka biktima sa scam, nagpakitabang sa kapulisan; kapin 10.5 million pesos, nakuha gikan sa mga biktima

522

Mokabat sa 14 ka mga biktima sa scam ang midangop sa kapulisan sa Agora aron ireklamo ang usa ka Rhea Mae Vallejos, hingkod ang edad, dalaga ug taga Purok 8, Barangay Gusa ning syudad.

 

Gikabutyag nga misaad ang suspect nga si Vallejos nga modoble ang kwarta sa mga complainants paglabay sa napulo hangtud sa 20 ka adlaw ug mipasalig usab nga i-refund ang kwarta kung ma bankrupt ang maong gipasalig nga negosyo.

 

Nasayran nga mokabat na sa kapin 10.5 million pesos ang nakuha sa suspect gikan sa 14 ka mga biktima.

 

Lakip sa midangop sa kapulisan ang mga biktima nga silang Abigail Alon, 22 anyos, dalaga, taga Mambatoi, Agora, Lapasan nga nag-invest og 150-mil pesos, Ericca Joy Tillo, 18 anyos, dalaga, taga Purok 3A, Gusa, nag-invest og 350-mil pesos, Johanna Joanne Ogates, 25 anyos, minyo, taga Purok 3A, Gusa, nag-invest og 1.1 million pesos, Priacy Jay Sevilla, 24 anyos, minyo, taga FS Catanico, nag-invest og 152-mil pesos, Queenie Ponce, 24 anyos, minyo, taga Purok 3A, Gusa, nag-invest og 350-mil pesos, Resa Mae Carag, 27 anyos, dalaga, taga Purok  1, Gusa, nag-invest og 177-mil pesos, Jona Cris delos Santos, 24 anyos, dalaga, taga Purok 3A, Gusa, nag-invest og 2.6 million pesos, Joelyn Son, 19 anyos, dalaga, taga Barangay Tablon, nag-invest og 570-mil pesos, Esther Ruth Monica Canedo, 27 anyos, dalaga, Barangay Kauswagan, nag-invest og 1.5 million pesos, Rizza Mae Villanobos, 22 anyos, minyo, taga Opol, Misamis Oriental, nag-invest og one million pesos,  Regin Mae Dajunos, 30 anyos, dalaga, taga Barangay Indahag, nag-invest og 808-mil pesos, Nikkle Jane Reyes, 24 anyos, minyo, taga Barangay 22, nag-invest og 45-mil pesos, Melanie Cali, 23 anyos, dalaga, taga Barangay Tablon ug Mierzel Akiatan, 19 anyos, dalaga, taga Barangay Gusa nag-invest sa 1.7 million pesos.

 

Tungod kay wala matuman sa suspect ang iyang saad busa nagpatabang na sa mga otoridad ang mga complainants aron mapangita si Vallejos.

Facebook Comments