14 ka mga NPA Mass Base Supporters sa Bukidnon, mitahan sa PRO-10

90
Mukabat sa 14 ka mga sakop sa militia ng bayan nga naglihok sa white area kon maoy nagsilbing dalunggan ug mata sa Communist Party of the Philippines-New Peoples Army-National Democratic Front (CPP-NPA-NDF) sa matag-lusad sa operasyon sa militar sa mga kabukiran sa Bukidnon ang nitahan sa otoridad.

Sa interview sa RMN Malaybalay ngadto kang Police Major Jiselle Longakit ,ang tigpamaba sa PNP-Bukidnon, gibutyag niini nga mismo si PR0 10 Director Brig Gen Benjamin Acorda Jr kuyog ang National Intelligence Coordinating Agency (NICA)-10, Armed Forces of the Philippines (AFP) ug ubang governmentt agencies ang mi-presentar sa maong militia ng bayan surrenderees atubangan sa media sa Camp Alagar adtong Biyernes.

Didto gi-ingon ni Acorda nga tungod sa hiniusang paningkamot,milampos ang kagamhanan nga luwason ang MB members nga naggikan sa Malaybalay City,Maramag,Valencia City ug Quezon sa Bukidnon.

Matud ni Longakit nga ang papel nga gihuptan sa maong mga surrenderees mao ang pagpagpangrecruit aron nga moanib sa NPA.

Gitunulan sa pasiunang tabang-pinansyal ug ubang batakang panginahanglan ang 14 ka sakop sa Militia ng Bayan o MB.

Kini human nakumbensir ang maong mga CPP-NPA supporters nga talikdan ang hiwi nga ideolohiya nga gitisok kanila aron batukan ang kagamhanan.



Dugang pa ni Longakit nga lahi ang benepisyo nga mapahimuslan ilawom sa E-CLIP sa mga supporters ug sa mismong regular members sa NPA apan nakatakda kini silang ipailawom sa profiling aron masuta kung unsay mga benepisyo nga madawat niini nila gikan sa gobyerno.

Facebook Comments