14 ka mga paresan, misalmot sa Kasalan sa Cogon

29
PC: RadyoMaN Joanna Ricote

Mikabat sa 14 ka mga paresan ang nagpakasal kaganinang buntag atol sa ika 14 ka tuig nga anibersaryo sa Cogon Markt.

 

Ang maong Kasalan sa Cogon, gipangunhan ni Judge Dennis Alcantar sa Branch 18, RTC. Nasayran nga unang nakatakda si Mayor Oscar Moreno nga maoy mangulo sa maong aktibidad apan mibiyahe kini sa Metro Manila hinungdan nga si Judge Alcantar maoy nagkasal sa 14 ka paresan.


 

Human sa maong kasal, nag salo alang sa boodle fight ang maong mga kinasal.

 

Ang kasalan sa Cogon, tipik sa mga kalihukan nga gitagana alang sa 14th Araw ng Cogon, kung asa karong adlawa, gipahigayon usab ang motorkada nga gisalmotan sa 24 ka mga float, usa ka santos nga misa, tabang medico, kung asa napahimuslan ang libreng check up sa lawas, libreng a lot, injection sa iro, ug Kasalan sa Cogon.

 

Maka angkon sa tres mil pesos ang mahimong 1st placer sa Best Float nga gisalmot sa 24 ka mga section sa Cogon Market. Matud ni Mr. Franklin Dagcuta, ang Presidente sa United Market Vendors Association, nga maka angkon sa 3,000 pesos ang 1st placer, 2,500 pesos alang sa 2nd placer, 2,00 alang sa 3rd placer ug 500 alang sa consolation prize.

 

Samtang ugmang adlawa, ipahigayon ang basketball ug boxing, kung asa mag atbang ang mga basketball player ni Mayor Oscar Moreno ug Vice Mayor Kikang Uy, samtang mag atbang usab ang mga laborer nga basketball player sa ground ug 2nd floor sa Cogon Market, kinsa magdula nga magsuot og diaper.

 

10 ka mga lalake ug 6 ka mga bayot usab ang mag atbang alang sa ipahigayong amaeteur boxing contest.

 

Ang maong mga kalihukan, gipaluyohan sa City Economic Enterprises Department nga gipangunahan ni City Councilor Ian Mark Nacaya.

Facebook Comments

From Advertisers