Moabot ngadto sa 1,400 ka mga turista nga unang nagpa-book sa Isla sa Boracay ang ibalhin dinhi sa Sugbu , gikan karong buwan sa Abril hangtud na sa Mayo .
Gibutyag kini sa kadagkuan sa Cebu Alliance of Tour Operations Specialists o CATOS.
Ang asosasyon nakadawat ug daghang hangyo alang sa pagbalhin sa bookings gikan sa Boracay paingon dinhi sa Sugbu tungod sa pagsira na sa maong isla sugod sa Abril 26.
Gawas sa 1,400 ka pasiunang bookings , dugang 800 ang padayong gisabotan karon aron ibalhin usab dinhi sa Sugbu .
Gawas sa beaches , daghang mga adventure ,cultural ug heritage sites ug ubang tourist spots ang ikatanyag sa Sugbu alang sa mga turista.
Facebook Comments
