142 ka barangay sa South Cotabatot, drug-cleared na

South Cotabato — Mokabat ngadto sa 142 ka Barangay o 70% sa mukabat 199 ka barangay sa South Cotabato ang gideklarang drug-cleared sa Philippine Drug Enforcement Agency (PDEA) Regional Office-12.

Matud kang Kath Abad, Spokesperson sa PDEA-12, ang pagdeklara sa 142 ka barangay gihimo human sa gipahigayong sunod-sunod nga evaluation sa barangay drug clearing program oversight committee.

Matud ni Abad nga ang PDEA-12 naglaum nga mas daghan pang Barangay sa South Cotabato ang makapasa sa assessment nga gipahigayon barangay Drug Clearing Program oversight Committee sa mga musunod nga bulan.


Nasayran nga ilawom sa DDB regulation, mamahimong ilhon nga drug-cleared ang usa ka barangay kung wala nay illegal drugs sa lugar, walay drug transshipment activity; walay drug laboratory o drug warehouse; walay chemical warehouse; walay marijuana cultivation site, walay drug den, walay drug pusher, walay drug dependent, ug walay nay financier sa illegal drug activity.

Facebook Comments