149 ka indibidwal nga namakwit tungod sa hulga sa NPA, namauli na

40

Bukidnon – Nakabalik na sa ilang tagsa-tagsa ka mga pinuy-anan ang 149 ka mga indibidwal human kini namakwit tungod sa pagpanaghasi sa New Peoples Army kon NPA sa Barangay Cawayan, lungsod sa Kibawe, Bukidnon.

Sa interview sa RMN Malaybalay ngadto kang P/Senior Inspector Harvey Sanchez, ang hepe sa Kibawe Municipal Station gibutyag niini nga namauli kagahapon sa hapon ang mao nga mga bakwit human kini gihinabi ni Kibawe Mayor Minerva Casinabe.

Una niini, nahadlok ang mao nga residente tungod kay gibaharan matud pa sila sa mga nagpatoong rebelde nga magpadayon ang ilang pagpang-harass kung makakita sila’g presensiya sa pulis ug sundalo sa ilang lugar butang nga gikahadlok sa mga residente.

Matud usab ni Sanchez nga dili man direktang gihulga sa NPA apan tungod sa kahadlok nga ma-angin maong niapil sa pagbakwit sulod sa halos lima ka adlaw.

Facebook Comments