15 anyos nga estudyante naanod sa suba, patay nang nakit-an

PC: MG Fabria Barros

Patay nang nakit-an ang 15 anyos nga estudyante human maanod sa suba sa Sitio Camarahan, Barangay Pagatpat alas 12 sa udto niadtong Hulyo 14, adlaw’ng Dominggo.

 

Matud ni Ramer Paumar kinsa residente sa Tondo, Pagatpat nga mga alas otso kaganihang buntag human kini nanigway og baka, kalit niyang nakit-an ang biktima nga naglutaw-lutaw sa suba hinungdan nga iya gilayon kining gidoolan.

 

Nakurat nalang si Paumar dihang nakita niini nga naa na sa state of decomposition ang lawas sa biktimang si Ronald Benalayo kinsa estudyante sa Pagatpat National High School.


 

Nasayran nga nanguha og kawayan ang biktima uban ang tulo ka amigo niini niadtong adlaw’ng Dominggo aron gamiton sa ilang tunghaan isip pagpangandam sa Intramurals.

Facebook Comments