15-anyos panubo, ginadumilian nga magsulod sa city hall complex sang Koronadal.

35

Ginadumilian nga magsulod sa city hall complex agud nga maglagaw ang mga nagaedad sang 15-anyos panubo, suno kay CSU Chief Raul Miramon.
Suno sa iya ang nasambit nga polisiya ang base naman sa kamanduan sang Inter-Agency Task Force on Covid-19.
Ang nasambit nga pahayag sang CSU chief ang kadungan sang pagdagsa na sang katawhan agud makit-an ang mga christmas decoration sa city hall complex nga ginakabig“instant tourist destination”
Ginpahayag man ni CSU Chief Miramon nga istrikto man nga ginapatuman ang mga health protocols sa mga nagalagaw sa city grounds kag city hall lobby.
Dugang pa niya nga hugot man ang ginapatuman nga seguridad sa new city hall compound sang CSU upod ang PNP, BPATs kag may traffic enforcers man nga ginadeploy.
Hingyo niya naman sa katawhan nga kon magkadto sa city hall complex nga sundon gid ang mga health protocols kapareho sa pagsuksok sang face mask, faceshield, may CCTS kag i-obserbar gid ang social distancing tungod yara sa gihapon ang paandam sang COVID-19.
Paklaro pa ni Miramon nga kon ginaistriktuhan man ang pagsuksok sang facemask kag faceshiled ini ang para man sa kaayuhan sang tanan.
Apela niya man sa katawhan nga nagalagaw sa city hall compound nga likawan ang paghaboy sang basura bisan diin lang tungod nakabantay ang CENRO.
#ccto

Facebook Comments