15-anyos paubos, gidid-an nga mosulod sa city hall complex sa Koronadal

Koronadal City—Gidid-an nang mosulod sa city hall complex ang mga batan-ong nag-edad 15-anyos paubos, kini ang gikumperma ni CSU Chief Raul Miramon. Matud niini nga ang maong palisiya gipatuman subay sa kamanduan sa Inter-Agency Task Force on Covid-19 sa Koronadal.

Dugang pa sa CSU chief nga una nang gidagsa sa katawhan sa Koronadal ang City Hall Complex aron nga makit-an ang mga Christmas decoration sa city hall complex kansa gikonsiderang “instant tourist destination” Samtang gipaniguro usab niini nga istrikto nilang gipatuman ang mga health protocols sa mga katawhan nga milaag sa city grounds ug city hall lobby.

Dugang pa niya nga hugot usab ang ilang gipatuman nga seguridad sa new city hall compound diin adunay mga personahe sa CSU, PNP, BPATs ug may mga traffic enforcers usab nga gideploy. Iyang hangyo sa katawhan nga kung mahidangat sa city hall complex dapat sundon gyud ang mga health protocols sama sa pagsul-ob ug face mask, faceshield, may CCTS ug ipatuman ang social distancing gumikan anaa gihapon ang bahad sa COVID-19.


Gipaklaro pa ni Miramon nga kung gistriktuhan man ang pagsul-ob ug facemask ug faceshiled kini ang alang man sa kaayuhan sa tanan. Apela usab niini sa katawhan nga nagalaag sa city hall compound nga likayan ang maglabay ug basura bisag asa lang tungod nakabantay ang mga personahe sa CENRO.
(CTTO)

Facebook Comments