15 kilos nga halo nadakpan sa Singcang

BACOLOD CITY – Igaturn-over sa DENR ang isa ka sapat nga “halo” nga nadakpan kagab-i sang mga pumuluyo sang Purok Zone 4, Calong-calong, Brgy. Singcang Airport, Bacolod City.

Ang amo nga halo ang nagalaba sang kapin 5 ka tapak kag nagasangkad sang 8 inches subong man may kabug-aton nga 15 kilos.

Ginpahayag sang mga Brgy. Tanod nga nakabaton sila sang impormasyon nga may nakita nga tuman ka daku nga halo ang pila ka mga residente sa amo nga lugar.


Antes sini, may isa ka residente nga nagareklamo nga nagakadula ang iya mga piso sang manok kag ang iya mga pating gani ginapatihan nga ang amo nga “halo” ang suspek nga nagakaon sini.

Angut diri, ginpahayag ni Brgy. Singcang Airport Punong Brgy. Rosinni Distrito nga ila igaturn-over sa DENR ang amo nga halo para sa nagakaigo nga disposisyon./dyHB BACOLOD

Facebook Comments