150 ka mga benipisyaryo sa Talakag, Bukidnon, nakapahimulos sa Barangayanihan Program sa kapulisan

31

Miiabot sa 150 ka mga benipisyaryo ang nakapahimulos sa gipahigayong Barangayanihan sa mga kapulisan sa Bukidnon didto sa Brgy. Lirongan, Talakag, Bukidnon.

Napang-apod-apod sa mga kapulisan ang mga school supplies, 150 ka pares sa tsinelas ug laing 150 ka mga food packs gikan sa Department of Social Welfare and Development (DSWD) ug laing uban pa.


Gitemahan ang maong barangayanihan program og “Kinasingkasing nga pagtabang para sa katawhan” nga nagtumong nga mas mapalig-on ang relasyon sa komunidad ngadto na sa kapulisan ug mas mabansay ang Crime Prevention ug Public Safety program.

Mapasalamaton sa laing bahin si PCOL Jun Mark J. Lagare sa mga kapulisan lakip napud sa ubang stakeholders ug benipisyaryo sa kalampusan sa maong programa.

Facebook Comments