150 mil pesos, damyos sa pagkasunog sa panimalay sa pamilyang Amboy.

38

By: Joanna Ricote
Na ugdaw ang panimalay sa pamilyang Amboy, atol sa nahitabong sunog kaganinang buntag sa Zone 6, Brgy. Agusan sa Cagayan de Oro.
Matud ni SFO2 Gilbert Mordeno, nga bandang alas 8:25 ang takna kaganinang buntag dihang mi ulbo ang kalayo sa maong panimalay, kinsa nagsugod sa ikaduhang andana.
Gidudahan nga faulty electrical wiring ang hinungdan sa maong sunog, kung asa mikabat sa 150 mil pesos ang damyos.
Ang maong panimalay, gipanag iyahan sa usa ka Agustin Amboy, kung asa matud ni Angelina Amboy, nga ang maong panimalay ang nagsilbi nga ancestral house sa pamilya.
Atol sa maong insidente, walay nabitbit nga mga gamit ang pamilya, hinungdan nga ilang gikaguol ang maong panghitabo.

Facebook Comments