150 ngadto na sa 200 nga testing sa Molecular Laboratory matag adlaw, gilauman

15

General Santos City— Mokabat sa 150 ngadto na sa 200 ka mga specimen ang gilauman nga ma-test kada adlaw sa Gensan gamit ang Molecular Laboratory.

Sumala ni Gensan Mayor Ronnel Rivera, sa kasamtangan maayu man ang dagan kon performance sa Molecular Laboratory sa Gensan. Sumala sa mayor nga sa karon anaa na sa 30 ka mga specimen ang matest sa laboratoryo matag adlaw, mas taas kung ikumpara sa 25 nga ma-test niadtong nakalabayng semana.

Dugang pagbutyag ni Mayor Rivera nga sa karon manual pa ang ginagamit nga pamaagi sa testing mao nga dili pa ingon ka paspas ang proseso. Unang gimando niini ngadto sa mga medical health workers nga maoy gahupot sa Molecular Laboratory nga pangitaan ug pamaagi aron nga mas mapaspasan pa ang proseso sa testing aron daghan sila ug ma-cater matag adlaw.

Aduna na matud pay mga suggestion nga gipaabot kaniya, usa na dinhi ang Automated Extraction Machine, kung asa pinaagi matud pa niini ila na gyud nga makab-ot ang ilang target nga 150 ngadto na sa 200 ka testing matag adlaw.

Facebook Comments