150 SPMC health care workers nabakunahan na sa COVID-19

18

Davao City – Mukabat sa 150 healthcare workers sa Southern Philippines Medical Center (SPMC) ang nakadawat na sa unang dose sa Sinovac Coronavirus Disease 2019 (COVID-19) vaccine atol sa vaccination rollout sa dakbayan kagahapong adlawa (Marso 5, 2021).

Target sa SPMC ang anaa sa 5,900 public healthcare workers ang mabakunahan sulod sa duha (2) ka semana.


Ang maong ihap sa healthcare workers ang anaa sa priority group nga makadawat sa 33,600 doses sa Sinovac vaccines nga miabot sa syudad karon nga semana.

Samtang gibutyag ni Department of Health kun DOH XI Regional Director Dr. Annabelle Yumang atol sa presscon kagahapon nga sa Lunes sunod semana (Marso 8, 2021), sugdan na usab ang vaccination sa mga healthcare worker sa private tertiary hospitals nga ipahigayon sa Mabini Elementary School dinhi sa syudad sa Davao.

Gidayeg usab sa national government officials ang taas nga acceptance level sa Sinovac vaccines sa SPMC nga resulta usab sa taas nga kumpyansa sa Davaoeños kang Presidente Rodrigo Duterte.

RadyoMaN Kirby Manzon



Facebook Comments