157 ka bag-o nga kaso sang covid-19 nagdugang sa Western Visayas as of Oct. 11, Negros Occidental may 54 kag syudad sang Bacolod may 35

10

Naglab-ot sa 157 ang nagdugang sa listahan sang DOH-6 sa mga natapikan sang COVID-19 sa Western Visayas kahapon nga adlaw Domingo.

Bangud sini nagsaka na sa 13,573 ang kabug-usan nga kaso sang COVID-19 sa rehiyuon 6 kon sa diin 3,759 diri ang active cases.

Base sa COVID-19 case bulletin 198 nga ginpaguwa sang DOH-6, may pinakamadamo nga bag-o nga kaso ang nalista sa Negros Occidental nga may 54, ginasundan sang syudad sang Iloilo nga may 36, syudad sang Bacolod nga may 35, probinsya sang Iloilo may 26 kag probinsya sang Capiz nga may 4 ka kaso.

Nag-ayo naman sa balatian ang dugang nga 245 ka pasyente kabangdanan naglab-ot naman sa 9,489 ang mga nakarecover.

Samtang, nagsaka naman sa 325 ang mga napatay sa nasambit nga balatian sa rehiyon 6 matapos 2 pa ka pasyente ang ginbawian sang kabuhi.

[image: image.png]

Facebook Comments