Bacolod City – Isa ka 16 anyos ang ara karon sa paghinakop sang Women and Children Protection Desk (WCPD) sang Bacolod City Police Office (BCPO) matapos ini ang nag-alegar ginpagamit sang shabu kag ginlugos sang duha ka mga lalaki.
Suno sa isa ka purok official natabo ang insedente mga las 5:30 sang hapon, Marso 10, Biyernes sa diin iya nakit-an ang babaye nga wala na sang panapton sa ibabaw nga bahin sa iya nga lawas kag nagapungko sa higad sang suba.
Nagahibi ini kag isa man sa mga residente ang naghatag sang tuwalya para madala siya sa mga otoridad.
Suno sa biktima, nga nag-ininom ini sila sa balay sa diin dira siya naga-istar humalin pa sang Pebrero kag may isa ka lalaki nga nag-intra sa diiin didto na kag ginpagamit siya sang druga.
Nadulaan ini ang animo kag sang nakabugtaw nabatyagan sini nga ini siya ang ginpulihan lugos.
Nagalayas-layas ang dalagita kag naga-istar gid lamang sa mga balay nga makasapupo sa iya bangod ini ang ginamaltratar man sa balay sang iya mismo tiya.
Ginpa-idalom na sa medical examination ang dalagita kag gin-invite man sang mga kapulisan ang mga natungdan nga suspek matapos nga iya ini positibo nga na-identify. /dyHB-Bacolod
