16 anyos nga hubog gin gangrape, gin-unahan sang nobyo, ginpaambit pa ang duha ka barkada

BACOLOD CITY – Padayon sa karon nga gina imbestigaran sang katapo sang mga kapulisan sang Police Station 9 ang gina alegar pag gang rape sa isa ka 16 anyus nga dalagita sang tatlo ka mga kalalakin-an dala na diri ang iya nobyo kag duha ka mga barkada.

Natabo ang insedente sang Marso 15 las 6 sang gab-i sa isa ka barangay diri sa ciudad sang Bacolod.

Suno sa biktima, ini sya ang ginsugata sang iya 18 anyos nga nobyo sa isa ka convenience store kag nagkadto sa puluy-an sa isa ka barkada.


Pag-abot naghinagaray nga mag-inom inom tubtob nga nahubog kag gintuyo.

Sang gin-abot na sang iya katulugon, ini sya ang gin dala sa kwarto ginpahigda sa salog, ginhalukan sa bibig kag liog, gin-ubahan kag una nga gintandog sang iya nga nobyo. Ginhabulan lang ini para indi makita ang iya hublas nga lawas.

Pagkatapos sa iya nobyo, ang isa ka barkada nga nakainom man amo ang nagkuha sang habol kag ginhimo man ang pagpakighilawas sa dalagita.

Ang ulihi ang nagsulod man isa kag ang ginhimo amu nga ginsulod nya ang iya nga tudlo sa kinatawo sang babaye.

Naghagaray pa ang iya nga nobyo kag isa ka barkada nga magbasketball kag ginbantayan lang ini sang isa nila ka upod.

Pagkatapos basketball, gindul-ong sang tatlo ang dalagita sa convenience sa diin ginsugat sya una sang nobyo.

Bangod sa hitabo, nagtuga ini sang kakugmat kag kahadlok sa dalaga rason nga nagpadangat ini sang reklamo sa mga otoridad.

Kaso nga pag lapas sa RA 8353 ukon Anti-Rape Law of 1997 ang paga-atubangon sang tatlo ka mga suspek.

Facebook Comments