16 detenido ya escapa, cambio na personajes ay sosede

*Esperanzao ay tene cambio con monton del maga personajes y oficiales del Tetuan Police Station seguiendo con el escapada del 16 maga detenido enantes aga.*

*Este el cosa ya habla el City Police Director si Sr. Supt. Neri Vincent Ignacio na RMN-Zamboanga.*

*Asegun con Ignacio gende entrao aquelios maga “off duty” police sinu el maga on duty lang el enfrneta con el consequencia.*


*Banda alas 3 del aga cuando el 16 maga detenido ya sale na celda despues estos ya man cierra con el trangca del mismo carcel usando el un cierra de ijierro.*

*El incidente ya sosede el hora del aguacero y solamnete dos lang maga pulis aquel hora ta man duty y afuera del estacion.*

*Ya espanta ya lang estos cuando ya mira sila grupada del maga detenido ya sale desde na carcel y ya man calayat afuera del calsada.*

*Na iformacion ya puede saca el RMN-Zamboanga, el unu del quien ya escapa y ya puede otravez ya puede cuji nombrao como si William Fajarado, ya llama pa este na cell phone con el su compañero afuera hablando para salida ya sila na celda.*

*Asegun pa, cuando afuera ya estos na calsada, tiene dos persona muntao na motor ya aparese y ya alcansa pa un pistol con Fajarado y despues ya man calayat ya estos.*

*Unu del 16 maga detenido ya puede dayun aresta na Tetuan quien ta precura entra na un internet café.*

*Con el cierre de ijiero ya puede encuntra afuera del estacion enantes aga.*

*El 16 maga detenido quien ya escapa amo canda; *Nadzmar Hack-Samal Village, Rio De Asis, Arkham Ignacio, Adzmir Ibrahim, William Pajarado, Lexandrus Manog, Junie Roy Rodriguez, Oscar Baginda, Roger Mark V Ragasa, Haibil Samdain, Al-Fermin Saddang, Emmanuel Matulac, Adzri Juhuri, Jezree Salazar, Sulayman Sali and Chuck Lawrence Tarangda.

Mayoria destos ta enfrenta caso del droga.

Ya conduci dayun hot pursuit operations el maga pulis junto con el Task Force Zamboanfa unu-unu ya puede otravez aresta inclujido el unu quien ya rendi con Consejal Pin-Pin Pareja.

Durante el publicacion deste noticia, tres ya lang ta esta largao y estos amo canda Hack, Ibrahim y Sali.

El carcel del Tetuan Police Station tiene solamente el capasidad de 15 para 20 pero presentamente mas de 60 el maga detenido.


Facebook Comments