Narekober sa area kung asa nahitabo ang pagpangambus sa Kanhi Kapitan sa Kinawe, Libona Bukidnon atol sa gihimong follow up operation ang 16 ka fired cartridges gikan sa gituohang M16 rifle.
Matud ni Police Senior Inspector Dino Cuevas, ang Chief of police sa Libona Municipal Police station, nga gawas sa fire cartridge, narekober usab nila ang tulo ka empty sack sa bugas, ug usa ka empty bottle sa softdrinks.
Dugang pa ni Senior Inspector Cuevas nga sa ilang gihimo nga imbestigasyon sa area, duha ka tawo ang nakita sa mga residente nga maoy mi-ambush ni kanhi nga si Kapitan Tarciso Barros.
Mahinumduman nga atol sa insidente, patay ang 14 anyos nga anak ni Barros, kinsa naigo sa ulo nga bahin.
Samtang maghimo og mas lawom pa nga imbestigasyon ang kapolisan sa Libona Bukidnon, sa pagpangambush nga nahitabo sa ilang Area of Responsibility kon AOR.
Matud ni Libona Bukidnon Chief of Police Police Senior Inspector Dino Cuevas, nga adunay gihatag nga pangalan ang pamilyang Barros sa posibleng suspek, tungod sa bangi sa yuta.
Dugang pa ni Senior Inspector Cuevas, nga ang asawa sa kanhi Kapitan mao ang kasamtangang kapitan karon sa Kinawe, ug ang gitudlong suspek mao ang na-engkentro niini kalabot sa isyu sa yuta.
By: RadyoMaN Mishelle Enloran
