Mikabat sa 16 ka sunog ang natala sa Bureau of Fire Protection kon BFP Cagayan de Oro kagahapong adlawa. Kini naglangkob sa 13 ka grassfire, duha ka electrical fire ug usa ka bonfire.
Matud ni SF01 Dennis Dalles, sa BFP Central Office nga kini ang pinakadaghang kaso nga ilang natala sulod lamang sa usa ka adlaw. Gipasabot niini nga tungod sa kainit sa panahon dali ra masunog ang mga sagbot nga bisan upos sa sigarilyo mahimo nang makamugna og sunog sa palibot. Tambag ni Dalles sa tanan nga mag-amping inig maghaling sa palibot aron dili kini mokaylap sa ubang dapit. Gidugang niini nga nakaandam man hinoon ang ilang mga firetrucks, bombero ug fire hydrants kung ugaling dunay sunog nga mahitabo.
Facebook Comments
