18 anyos giilad ug gi-harass

16

Davao City – Nagpakitabang sa Toril PNP ang usa ka 18 anyos nga babaye human kini giilad sa tulo ka mga kalalakin an samtang naghulat kini og sakyanan sa may terminal sa Toril Public Market.

Ang mireklamo mao si Jeany Lungay nga taga Bago Oshiro ning syudad.

Sumala sa complainant sa dihang nag tan aw kini og cellphone sa mao nga dalan kalit kini gibira sa usa ka lalaki ug gihanyagan og cellphone nga mokantidad og 1,500 ka pesos.

Miduol usab ang lain pang duha ka mga suspek ug gi harass kini inubanan sa pagpanghulga kay buot sa mga suspek nga ipa pugos sa pagpalit ang maong gadget.

Sa kahadlok sa maong babayi napugos kini sa pagpalit aron nga makalikay siya sa mga suspek nga nanghasi kaniya.

Human sa insidente misibat dayon ang tulo ka mga wala mailhing suspek sa wala usab matino nga direksyon.

Sa pag abli niya sa maong sudalanan nasayran nga peke ang maong cellphone ug daot kini.

Sa wala maka angay ang complainant nangayo kini og pakitabang sa kapolisan sa Toril ug iyang gipa blotter ang maong insidente nga nahitabo kaniya.

Kapolisan gipasa na una ngadto ang maong kaso ngadto sa General Investigation Section ug nagahimo na og follow up investigation aron maila ang mga suspek.

RadyoMaN Paul Canono

Facebook Comments