18 anyos, napalitan ug marijuana-sikop

General Santos City—Tingkagol na karon sa silda sa Police Station 6 ang usa ka 18 anyos nga lalaki human nga nasikop sa gihimong buy-bust operation sa area sa Block 4, Alunan, Barangay Bula, Gensan alas 12:40 ang takna sa kabuntagon.

Suspek giilang si Faisal Abobo, 18, lumad nga taga Barangay Tambilil, Kiamba, Sarangani Province ug temporaryong nagpuyo sa maong lugar.

Napalitan ang nasampit ug usa ka pakete nga pinaugang dahon sa marijuana sa usa ka pulis nga nagpakarong-ingnong poseur buyer gamit ang P100.00 nga marked money.


Sa karon ginahan-ay na sa kapulisan ang mga dukumento alang sa pagpasang-at ug kasong RA 9165 batok sa suspek kansa balhog karon sa silda sa Police Station 6.

Facebook Comments