18 anyos nga nanglugos ug uyab nga 12 anyos-dakpan

21
Handcuffs

General Santos City–Nagtingkagol karon sa silda sa Police Station 3 ang usa ka Bardwin Binarao Jr., 18 anyos nga nanimuyo sa Prk. 5, Barangay Ligaya ning syudad human gi-aligarang nanglugus sa iyahang 12 anyos nga hinigugma alas 9:40 ang takna sa gabie sa kasagbutan nga bahin sa Barangay Ligaya.

Sumala pa ni Police Lieutenant Felix Minion III, ang Deputy Chief Of Police sa Police Station 3 nga midangop matud pa sa ilang buhatan ang mga ginikanan sa menor de edad human nga gilugos matud pa sa supect hinungdan nga gipahigayunan ug operasyon sa pag panguna sa Women And Children Protection Desk (WCPD) sa Police Station 3 nga miresulta sa pagkasikop sa suspetsado didto mismo sa ilang panimalay.


Dugang pa ni Minion nga niadto matud pang adlaw sa kapyestahan sa Barangay Bula nagkita matud pa ang mag-uyab sa usa ka mall sa syudad ug miadto sa panimalay sa nahisgutang suspect apan ayha matud pa sila maka-abot sa ilahang padulngan gibira sa nahisgutan ang biktima sa ngit-ngit ug kasagbutang bahin sa Barangay Ligaya ug didto gibuhat ang paglugos kaniya.

kasong pag supak sa RA 8353 kon Rape In Relation sa RA 7610 ang atubangon sa suspect nga kasamtangang nakakustudiya sa selda sa Police Station 3.

Samtang hugot usab nga gipanghimakak sa suspect nga si Bardwin nga iyahang gilugos ang nasangpit nga biktima tungod kay kagustohan matud pa nila ang ilahang gihimo.

Dumala pa sa nahisgutan nga iyaha matud pang uyab ang biktima ug sa dihang anaa sila sa panimalay sa nasangpit nga suspect nagkasinabot matud pa sila nga makighilawas sa usag usa ug wala matud pa niya kini gipugos.

Samtang andam man usab ang suspect nga pakaslan ang biktima aron nga maka gawas siya sa presohan.(Dave Silagan)
(Photo is for Illustration Only)

Facebook Comments