18 ka mga menor de edad arestado bangud sa pagbayolar it curfew hour sa Boracay

Boracay, Island–Kapin sa 18 ka mga menor de edad rong gin aresto it mga kapulisan bangud man sa pagbayolar it curfew hour sa isla it Boracay.

Kaeabanan sa mga gindakop hay tag mga naga winarang warang sa beach front, computer shops, bilyaran ag iba pang mga lugar nga kaeabanan andang ginatambayan.

Ro nasambit nga curfew hay naga umpisa sa alas 10 it gabii ag hasta alas 5:00 it aga-aga base man sa Municipal Ordinance 212.


Ro mga naga edad 18-anyos panaba nga madakpang naga winarang warang hay pagadakpon ag ipaidaeom sa tunga sa adlaw nga seminar kaibahan ro andang ginikanan, sa first offense pagapamultahon it 500 pesos ag may sang adlaw nga seminar samtang sa third offense hay may pinalidad nga 1000 pesos ag pagkakulong it andang mga ginikanan.

Samtang kaeabanan sa gina monitor makaron it mga kapulisan hay ro mga responsable nga naga himo petty crimes maskapin eon gid sa paeanakawan ag salisi.

Facebook Comments