19 anyos nga estudyante, nadakop han PDEA nga nagbabaligya hin "droga"

TACLOBAN CITY – Nadakop han Tacloban PNP ngan Philippine Drug Enforcement Agency (PDEA) an 19 anyos nga lalaki nga nagbabaligya hin gin-aaligar illegal nga droga ha Brgy. 62-B Sagkahan Tacloban, City dida han martes, Marso 12, 2019.

Subay han report tikang ha PDEA, ginkilala an suspek nga hi Arnold Delos Santos, 19 anyos, usa nga estudyante nga residente ha nasabi nga lugar.

Napalit han poseur buyer han mga kapulisan tikang ha suspek an duha kapakete han gin-aaligar shabu ha kantidad nga P1,000. 0.14 ka gramo an kabug-aton han nasabi nga droga.


Maatubang an suspek ha mga kaso nga sale ngan possession of illegal drugs han Dangerous Drugs Act.

Paslak na an suspek ha Tacloban PNP lock up cell.

Facebook Comments