19 anyos nga habal-habal driver-nakaplagang patay

General Santos City—patay nang nakaplagan ang usa ka 19 anyosnga habal-habal driver kansa gituohang biktima sa pagpangarnap sa Purok Kalatao, Barangay Tambler ning syudad alas 5:00 ang takna sa hapon kagahapong adlawa.

Ang biktima nailhang si Reynaldo Tilan Emilio Jr. , 19, ulitawo, habal habal driver ug residenti sa Purok. Patalgao, Barangay San Jose, Gensan.

Una nang nakaplagan sa mga residenti sa Purok Kalatao, Barangay Tambler ning syudad nasangpit nga biktima nga walay nay kinabuhi didto sa lugar diin adunay samad sa iyang ulo nga bahin kansa gituohang gipusposan sa wala pa mailhing suspek.


Uwahing nakit-an ang nasangpit niadtong petsa 10 nga nagmaniho sa iyang Bajah nga motorsiklo nga adunay sakay nga pasahero. Sukad niadto wala na makauli sa ilang balay ang nasangpit.

Carnapping usa sa gitudlong motibo sa krimen human nawagtang ang motorsiklo sa nahisgutan nga for registration pa. wala usab giapil ug kuha sa suspek ang sling bag sa biktima nga dunay sulod nga P500.00 kapin u gang iyang necklace ug singsing.

Sa karon padayon ang gihimong imbistigasyon sa kapulisan kalabutan sa insidenti.

Facebook Comments