Arestado ang 19 anyos nga ulitawo sa gihimong pre-emptive Detective Patrol operation sa Valenzuela road, barangay Lapasan ning siyudad alas 2:45 sa buntag niadtong Mayo 22.
Kini gihimo sa operatiba sa Police Station 3 Agora nga giunhan sa ilang hepe nga si Police Major Julius Clark Prisco Morales Macariola IV.
Suspek nailang si John Paul Labajan nga taga Zone 12, Upper Carmen samtang nakaikyas sa maong operasyon ang kauban niini nga si Fidel Wamilda, 18 anyos nga taga Lapaz 1, barangay Lapasan.
Dala ni Wamilda ang mga kinawat nga item sama sa SAMSUNG keypad mobile phone nga nagkantidad sa 5 mil pesos ug CASIO nga relo nga nagkantidad sa 5 mil pesos nga gipanag-iyahan sa usa ka Reynan Alungay, 18 anyos nga taga Zone 10, Cugman- kinsa Sales in charge sa usa ka bakery ning siyudad.
Sa gihimong body search sa kapolisan, nakuha ang usa ka sachet sa gitoohang shabu gikan sa posisyon ni Labajan.
Dali usab kining gidala sa PNP crime Laboratory-10 alang sa qualitative and quantitative examination
