19 anyos nanlugos hin minor de edad, arestado

1394

TACLOBAN CITY – Arestado han Philippine National Police (PNP) an 19 anyos nga lalaki nga gin-aaligar nanlugos ha minor de edad ha Brgy. Magbangon, Cabucgayan, Biliran.

Subay ha report han Cabucgayan PNP, ginkilala an suspek nga hi Neil Patrick Castano Bayani, usa nga grade 10 student, residente ha nasabi nga lugar.

Ha impormasyon nga nakuha han RMN, mayada relasyon hi Neil ngan an 13 anyos nga babayi.

Nagreklamo an kag-anak han biktima ha mga otoridad dida han Nobyembre 2018 tungod nga naburod ni Neil an ira anak.

Ha desisyon han Regional Trial Court (RTC) branch 16 ha Naval, Biliran, ginpasakahan hin 4 counts nga kaso hin rape an suspek kakulop, February 5, 2019.

Waray bail an nasabi nga kaso.

Ha pagka yana, paslak na an suspek ha Cabucgayan Jail Facility.

Facebook Comments