19 ka mga miyembro sa NPA nitahan sa Bukidnon

Boluntaryo nga nitahan ang 19 ka mga miyembro sa New People’s Army nga ilawom sa Guerilla Front-68 North Central Mindanao Regional Committee.

Nitahan kini sa 1st Special Forces Batallion Philippine Army na naka-base sa Barangay Mampayag, sa lungsod sa Manolo Fortich Bukidnon kaniadtong Setyembre 6 ning tuiga.

Sa taho sa 1st Special Forces Battalion, gibutyag niini nga nitahan ang maong mga rebelde gumikan sa pagkapakysa sa pangako sa mga lider sa mao nga grupo.


Kauban sa gisurender sa mga rebelde ang managlahing klase nga kalibre sa armas.

Makadawat sa mga benepisyo sa ilawom sa Enhanced Comprehensive Local Integration Program kon E-CLIP ang maong mga surrenderees.

Nagpabilin usab daw nga bukas ang AFP alang sa uban pang mga rebelde nga buot mubalik sa sabakan sa gobyerno.

Facebook Comments