194 ka mga pamilya nga halin sa 3 ka mga sitios sang Barangay Ned, nagbakwit.

14

Nagbakwit ang yara na sa 194 ka mga pamilya ukon ginabulubanta sa masobra 500 ka mga indibidwal halin sa tatlo ka mga sitios sang Barangay Ned, Lake Sebu tungod sa pagkapatay sang isa ka estudyante matapos nga nakatapak sang landmine ang kabayo sa

Sitio Molmol kag kahadlok nga maipit sa rido sa banwa sang Palimbang, Sultan Kudarat.
Suno kay Lake Sebu Municipal Disaster Risk Reduction and Management Action Officer Roberto Bagong naghalin ang mga bakwit sa sitios sang Molmol, Kumilat kag Kisayan sang Barangay Ned nga yara sa boundary sang Palimbang.


Sa subong ang mga ini ang yara sa Barangay Hall sang Barangay Ned Proper sang Lake Sebu kag nagamasakit na suno pa ang pipila ka mga bakwit.

May-angot sini, gilayon man suno sa iya nga naghatag sang ayuda ang MDRRMO Lake Sebu kag PDRRMO sa mga nagbakwit nga mga residente nga ginalakipan sang banig, food pack kag mga hygiene kits.

Liwat suno pa nga nag-ibwal ang rido sa nasambit nga lugar matapos nga wala pa ini naresolber tubtob subong.

Samtang suno kay Bagong irekomendar niya sa alkalde nga magpatigayon sang stakeholders meeting agud hisgutan ang iban pa nga rason sa pagbakwit sang mga residente sa Brgy. Ned matapos nga sang una nga nagbakwit ang mga ini namensyunar ang angot sa land conflict sa lugar kag indi lang tungod sa rido.

Ginpahayag niya man nga nagahulat sila sang advise sang PNP kag AFP nga pwede na makabalik ang mga residente sa ila tagsa ka mga puluy-an.

Nahibaluan nga sang Abril, naglab-ot man sa 200 ka mga pamilya halin sa nasambit nga lugar ang nagbakwit tungod sa clan war.
photo credit to PDRRMO South Cotabato

Facebook Comments

From Advertisers