Gisugdan na kagahapong adlawa Oktubre 3 ang tulo ka adlaw nga 19th National Convention sa Association of Tourism Officer of the Philippines kon ATOP nga gihimo sa Luxe Hotel.
Ang Misamis Oriental Provincial Government, maoy silbing host sa maong convention hangtud sa Oktubre 6.
Matud ni Governor Yevgeny Vincente “Bambi” Emano nga mokabat sa kapin usa ka libong mga delegates nationwide ang gipa-abot nga motambong sa maong convention.
Gibutyag ni Emano nga iyang gikalipay nga ang Misamis Oriental maoy nakadaog sa bidding kontra sa General Santos City nga maoy mag-host sa tulo ka adlaw nga national convention sa ATOP.
Nagla-om si Governor Emano nga ang maong convention, makadungang sa pag-promote sa kapin 20 ka mga tourist destinations sa Misamis Oriental.
Matud ni Emano nga iyang gilauman nga pinaagi sa maong convention, maila ang Misamis Oriental sa tibook kalibutan nga mas nindot pa ang mga tourism destinations kay sa Boracay ug ubang pang mga tourist spot sa Pilipinas.
Sa iyang kabahin, gipahayag ni Jeffrey Saclot nga ilang gi-imbitar sa maong convention si Senator JV Ejercito, Secretary Martin Andanar ug Tourism secretary.
Lakip sa agenda sa maong convention matud ni Saclot ang ilang gitawag nga “Emersion Tour” nga kon diin bisitahan sa mga delegates and lain lain nga mga tourist spots sa Misamis Oriental.
Matud ni Saclot nga mokabat sa 2 to 3 million pesos ang pundo nga gi-allocate sa Misamis Oriental aron gastohon sa tulo ka adlaw nga ATOP Convention.
Gibutyag usab ni Minda Regis ang Presidente sa ATOP, nga iyang gitingoha nga atol sa ilang convention, mag-approve silag resolution, aton i-commend si Governor Emano sa iyang pagsuporta sa ilang tulo ka adlaw nga national convention,
Matud ni Regis nga ang pagsuporta ni Emano sa ilang convention ma-o ang nakapilde sa General Santos City sa ilang gipahigayon nga bidding.
“Misuporta man sila si Gov. Emano ug nag-allocate pag pundo so sila ang nakada-og sa bidding” matud ni Regis.
Gidugang ni Regis nga misuporta usab ang Gensan sa nga maoy maghost sa ilang convention apan wala kini mag-allocate ug pundo alang sa ilang convention.
