1st Enduro Cross, Gipahigayon sa Brgy. Tablon

Mihatag ug dakong kalipay sa katawhan ang pinaka-unang Enduro Cross 2017 sa Sitio Palalan, Brgy. Tablon ning syudad sa miaging semana. Kini alayon sa pagsaulog sa kapiyestahan sa Patron Saint San Nicolas de Tolentino.

Ang Enduro Cross 2017 gidagsa ug gilangkoban sa mga motor riders nga gikan pa sa nagkalain-lain lugar sa Mindanao. Lakip sa misalmot ang popular ug kontrobersyal nga rider Allan Lynard Bigcas gikan pa sa 3rd District sa Bukidnon Province.

Matud pa sa Combat President Reggie Garcia, ang Enduro Cross usa ka 2-Man Team Competition kung diin ang duha ka riders ang magtinabangay nga molampos sa lisud nga mga trails sulod sa race track.
Gibutyag ni Garcia nga ang mga team riders maglumba under time pressure. Ang makakuha sa pinakaubos nga oras sulod sa 2 Laps maoy makadaog sa maong kumpetisyon.
Ang Enduro Cross 2017 gipasiugda sa grupong Combat sa pagpangulo ni Mr. Reggie Garcia ug inabagan usab sa mga opisyales sa Brgy. Tablon nga gipangulohan ni Brgy. Chairman Romeo Bacarro. Gilauman kining mahitabo pag usab sa sunod tuig.


Facebook Comments