1st KBP Ilocos Norte Run for Unity, Maisayangkat

42

Maisayangkat ti kaunaan a KBP Ilocos Norte Run for Unity ti Kapisanan ng mga Brodkaster ng Pilipinas inton Oktubre 20, 2018 iti Marcos Stadium iti oras ti alas singko iti bigat.

Dagiti kategorya iti fun run ket 3k, 5k, 10k ken junior para kadagiti ubbing nga agtawen ti 12 agpababa.

Umabot ti P250 ti bayadan dagiti agtaray ti 3K, P350 iti 5K ken P400 met para ti 10K.

Apaman nga agregister ken agbayad dagiti makipagpartisipar ti registration fee ket addaanen ti race bib ken tshirt nga maited a dagus.

Malaksid kadagiti kameng ti KBP ket maawis met a makipartisipar dagiti nadumaduma a grupo wenno institusyon iti Laoag City ken probinsiya.

Ti maurnong nga gatad ket maipaay kadagiti outreach program iti KBP nga idaulwan ni Mrs. Celestina C. Paz iti DWFB.

Agregister laeng iti 99.5 iFM wenno kadagiti KBP member station iti probinsiya.

Facebook Comments