Arestado ang duha ka mga persona sa ginpatigayon nga Anti-Illegal Drug Operation sang South Cotabato Provincial Intelligence Branch Drug Enforcement Unit (SCPIBDEU) kag Intel Operatives sang Polomolok MPS sa National Highway, Prk.1 Waiting Shed, Brgy. Crossing Palkan, Polomolok, South Cotabato takna alas 5 sang hapon sang tinalikdan nga adlaw.
Ginkilala ang mga suspetsado nga kanday Abdul Mantawil Ingid, 20-anyos, single, wala trabaho kag residente sang Brgy. Polonuling, Tupi kag Omar Maguisulan Alon, 24-anyos single, wala trabaho kag residente snag Prk.1 Brgy. Sumbakil, Polomolok.
Nakumpiskar kay Omar Maguisulan Alon ang P1, 000 mark money kag isa ka granada. Samtang kay Abdul Mantawil Ingid nakumpiska ang 2 ka sachet sang ginapatihan shabu, isa ka granada, kag isa ka Honda XRM color blue and black may plaka nga XZ 4445.
Ang mga nakumpiska nga mga illegal nga droga ang ginturn-over sa RCLO 12 para sa qualitative kag quantitative examination. Samtang ang mga nakumpiskar nga mga armas ang ginturn-over sa SCPPO EOD team para sa proper disposal.
Sa subong, ang mga suspetsado ang yara sa kustodiya sang Polomolok Pnp.
