2 arestao na tarian

Dos persona ya sale arestao durante el raid del pulis na un tarian na Purok 3B, Talisayan del Sabado.
Con el dos persona ya conose como canda Jose Carmensito Torres Quintas, 56 anios de edad, casao un embalmer y si Joel Dela Rama Quintas, 54 anios de edad, casao, ambos del mencionao lugar.
Maga pulis ya recobri desde canila el maga seguiente; dos gallo de peleya, uno nabaha, tres tejeras, dos botelia de betadine, un double blade, electrical tape, un botelia de glue, un rolio de ilo, un medical tape, un liston colorao, un paquete de gapas y el P660 tayada.
Si Jose ya pruba pa soborna con el maga pulis pormedio de ofreser el P1,000 pero nohay le obra y ya omenta pa su caso.
Con el dos persona ya detene na estacion del Aya Police Station pendiente el plantada de caso na corte.