2-batan-on dakpan sa buybust, shabu ug pusil narekober

General Santos City—Sikop sa operatiba sa Police Station 5 ang duha ka mga batan-on atol sa gihimong buybust operation sa may Purok Lower Acharon, Barangay Calumpang Gensan alas 2:00 ang takna sa kabuntagon.

Mga suspek giilang silang si Barny Monsale, 22 anyos ug Mark Corpuz, 18, residenti sa Purok Gawan, Barangay San Jose, Gensan.

Napalitan ug usa ka sachet sa gituohang shabu ang duha ka mga suspek gamit nag P500.00 nga marked money.


Dihang gikapkapan ang duruha narekober gikan sa ilang posisyon ang usa ka unit sa pusil ug mga buhing bala.

Tungod niini kasong kalapasan sa RA 9165 ug RA 10591 ang gikatakdang ipasang-at nga kaso batok sa mga suspetsado.

Facebook Comments