2 – high value target nasikop sa operatiba sa PDEA-12 ug PS4

17
Handcuffs

General Santos City–Malampusong nasikop sa gihiusang pwersa sa PDEA-12 ug Police Station 4 ang duha ka mga high value target nga naga payuhotan ug iligal nga droga sa gipahigayong buy-bust operation alas 12:20 ang takna sa kaadlawon sa Villegas Subd. Barangay San Isidro ning syudad.

Giila ni Police Capt. Davis Dulawan ang hepe sa Police Station 4, ang mga suspect nga silang Nestor Rosales Alyas Boy, 29 anyos ug usa ka Henry De Asis alyas Kent, 24 anyos nga parihas nanimuyo sa Capreda St. Barangay Lagao ning syudad.


Sumala ni Police Capt Dulawan nga napalitan ang mga suspect ug usa ka sachet sa gihatahapang shabu ug nakuha sa ilahang posisyon ang lain pang 2 ka sachet ug P500.00 nga marked money.

Dugang pa niini nga ang mga suspect ang anaa sa listahan sa PDEA 12 ug sa ilahang listahan sa Police Station 4 isip high value target nga dinagko kung mamaligya ug iligal nga droga.

Kasong pagsupak sa sec 5 ug sec. 11 sa Art.II sa RA 9165 ang atubangon sa mga nasangpit nga suspect. (Dave Silagan)

Facebook Comments

From Advertisers