Davao City – Patay ang duha ka mga army reservist human kini nasangit sa de pampasaherong van ug natumba pabor sa ten wheeler truck sa may Mc Arthur Highway Toril ning syudad.
Base sa rekord sa kapulisan ang mga biktima naila sa pangalang Climaco Rigor Jalop ug si Benjamin Suan Lagrimas pulos mga senior citizen ug residente sa Barangay Mintal Tugbok District Davao City.
Base sa traffic investigator nga si SPO3 Deocos padulong kining tulo ka nahisgutang behikulo pa southbound apan gumikan medyo congested ang trapiko sa may dalang Saypon Toril milusot sa tunga ang motorsiklo ug una nasangit iyang manobela sa van ug nawad-an og kontrol hinungdan nga napasok kini ilawom sa truck rason nga on the spot patay ang duha ka mga biktima.
Balhog na ang driver sa truck nga si Rex Cabalkinto, 44 anyos kinsa nag maneho og usa ka government vehicle nga naka rehistro sa munisipalidad sa Lungsod sa Magsaysay Davao del Sur ug ang driver sa van naila nga si Chavez Luntang nga taga Bansalan Davao del Sur.
Ang patayng lawas sa mga biktima anaa na sa Malta Funeral Parlor dinhi sa may Toril ning syudad.
RadyoMaN Paul Canono
