General Santos City–Nagpadayon pa ang gihimong imbistigasyon sa Police Station 1 kalabutan sa nahitabong pagkawat sa duha ka wala mailhing mga babaye sa kwarta nga iyaha sa biktimang si Maria Cerdoncillo, 35 anyos, empleyado sa simbahan ug residenti sa Barangay Fatima Gensan niadtong nakalabayng adlaw.
Matud ni Police Captain Abdulsalam Mamalinta, Hepe sa Police Station 1 nga samtang anaa sa Kristan Book store ang biktima siya nabiktima sa salisi gang diin natangag ang iyang kwarta nga kantidad ug P80,000.00.
Sumala pa nga samtang busy ang biktima, duha ka babaye ang nagmaniobra sa iyang bag ug gikuot ang dakong kantidad sa salapi nga gibitbit sa biktima.
Dugang pa sa maong balita kuha sa CCTV camera nga nakainstall sa maong establishemento ang gihimo sa mga suspek.
Sumala pa nga nagtinabangay ang duruha ka mga suspek sa paghawat sa kwarta sa biktima diin wala gyud nakamatikod ang nasampit.
Samtang hangyo nalang ni Police Captain mamalinta ngadto sa katawhan nga higayon anaa sa lugar nga adunay daghang tawo man amping gyud batok kawatan tungod subli na usab nga migara ang mga nahisgutan.
