General Santos City–Sikop sa Operatiba sa Police Station 5 ang duha ka mga batan-on nga silang Darwin Mag-osara 18 anyos, taga Zone 3 Purok Crisostomo ,Barangay Calumpang ug ang usa ka Michael Guanzon, 18 anyos, residente sa may Villegas Street, Purok Malakas, barangay San Isidro ning dakbayan .
Nasayran nga bandang alas 10:30 sa buntag una nang gikasa sa mga personahi sa maong buhatan sa pagpanguna ni police chief inspector Basher Alindo labaw sa maong buhatan ang buy bust operation asa nakuha sa posisyon sa duha ang usa ka pakete sa dahon sa marijuana ingon man marked money P100.00.
Sa giluwatang pamahayag ni Police Chief Inspector Alindo sa RMN news team gibutyag niini nga dili lang sa ginadiling droga nalambigit si Mag-osara ug Guanzon gumikan sila usab ang naga pangransak, hold up apil na ang pagpangawat ug motorsiklo sulod sa ilang area of responsibility ang mga nasangpit. (Ray Sabillo)
