2 ka driver sa motorsiklo patay, human nagbangganay sa Koronadal

33

Koronadal City–Patay ang duha ka mga driver sa motorsiklo human sa disgrasya sa national highway nga sakop sa Purok Mesias, Brgy. Paraiso, Koronadal City, South Cotabato alas 5:15 sa hapon.

Ang mga nahilambigit sa disgrasya mao ang usa ka Honda XRM motorcycle, nga gimanihuan ni Larino Odong Tawi, 25-anyos nga residente sa Brgy. Klubi, Lake Sebu, South Cotabato ug usa ka Honda CB125 motorcycle, nga gimanihuan ni Ronnie Palibayan, 32-anyos ug residente sa Purok Mesias, Brgy. Paraiso, Koronadal City.


Matud ni Police Staff Sgt. Leo Dimaculangan sa Koronadal City Traffic Office, migawas sa ilang imbestigasyon nga ang Honda XRM ang gikan sa Koronadal City padulong sa lungsod sa Banga, apan pag-abot sa kurbada nga bahin sa highway sa Purok Mesias, Brgy Paraiso, nahitabo ang head-on-collision sa Honda CB125 nga nagasubay sa opposite direction, apan nangilog kini ug lane.

Tungod niini susamang nakaangkon ug grabeng samad ang duha ka mga driver sa motorsiklo kansa gilayon gipangdala sa South Cotabato Provincial Hospital apan parehong nakabsan sa kinabuhi.
CTTO:

Facebook Comments