General Santos City—Karong adlawa na takdang kasuhan ang duha ka mga suspetsadong una nang nasikop atol sa gipahigayong operasyon sa hiniusang pwersa sa Police Station 4 ug PDEA-12 niadtong milabay nga adlaw.
Sumala pa ni Police Major Alex Lanestosa ang hepe sa Police Station 4 nga una na nilang nasikop ang suspect nga si Adonis Tagalan, alyas don-don, 37 anyos ug nanimuyo sa Purok Naval, Barangay San Isidro, alas 12:00 ang takna sa udto sa Christ The King Subdivision , Salvani Extension, Barangay City Heights kung asa napalitan kini ug usa ka sachet sa gikatahang shabu.
Nakuha usab sa iyahang posisyon ang lain pang usa ka sachet sa girtuohang shabu ug 500 pesos nga mark money ingon man usa ka toother.
Human sa maong operasyon nasikop usab sa follow-up operation sa kapulisan ang source sa nahisgutang suspect nga si Hansel Morala Paño, alyas Hansel, 35 anyos nga nanimuyo sa purok 4-b Rajah Muda, Barangay Bula, alas 4:30 ang takna sa hapon sa Royeca Blvd Cor. Gonzales Street Barangay Bula kung asa kini ug usa ka sachet sa shabu nga nagkantidad ug 500 pesos ug laing pang usa ka sachet ang nakuha sa iyahang posisyon nga dunay kantidad 4,000 pesos.
Ang mga nahisgutang suspect karon ang nabalhog sa silda sa police station 4 samtang gi-andam na sa kapulisan ang kasong pagsupak sa RA 9165 sec 5, 11 ug 12 sa mga nahisgutang suspect.
