BACOLOD CITY – Patay ang duha ka hold-aper kag isa ka sibilyan, tatlo pa ang pilason sa shoot-out kontra SWAT sa Abuanan Road, Purok Nami Nami Uno, Barangay Sum-ag, Bacolod City.
* Natabo mga las 4:30 sang hapon ang hold-up sa Purok Maghili-ugyon, Barangay Taloc, Bago City * Target ang panel van sang Japanese Tobacco Inc.
Mga suspetsado, ang duha nga wala pa nakilal-an nga nagkalamatay kag driver mismo nga nasakpan kag nag-ako nga nagkonsabo nga ginkilala kay Ruben Cuelo, 38 anyos.
Nakilala naman ang sibilyan nga napatay Delfin Ortiz, 69 anyos nga una gindala sa South Bacolod General Hospital apang gindeklara nga dead on arrival.
Pilason naman Estrella Claridad, 72 anyos samtang ara sa sulod sang ila tyangge, ang High School student nga si Mekaila Malabor, bata ni Isabela Mayor Joselito Malabor kag isa pa.
Nahibaluan nga may angot ang driver nga si Ruben sa kremin bangod sa narecover nga cellphone sa diin nakita ang pagbayluhanay sini sang text messages. / Sheena Timbad photo
