2 ka Kagay-anong boksidor, mihakot sa gold ug bronze medal sa Thailand

13
PC: CIO/ Coach Elmer Pamisa

Mihakot sa gold ug bronze medal ang duha ka mga Kagay-anong boksidor sa Cagayan de Oro City Amateur Boxing Team.

Kini human miaway sa bag-ohay lang natapos nga Andaman International Boxing Championship didto sa Bangkok, Thailand.


Matud ni Team CDO Boxing head coach Elmer Pamisa nga naangkon ni John Vincent Pangga ang gold medal sa men’s 52 kilograms category human gipildi ang kaatbang nga Thai atol sa ilang dula sa finals.

Gidugang ni Coach Pamisa nga nasakmit usab ni Ailene Kaye Caranagan ang bronze medal sa women’s 57 kilograms category.

Ang duha ka mga boksidor pulos mga miyembro karon sa RP national amateur boxing team ug kanhi mga produkto sa amateur boxing development program ni Mayor Oscar Moreno.

Facebook Comments

From Advertisers