2 ka mga Barangay Kagawad nga absenot, manubag-Mayor Rivera

24

General Santos City—Gisiguro karon ni Gensan City Mayor Ronnel Rivera nga manubag ang duha ka mga Barangay Kagawad sa Barangay Dadiangas East nga kanunay lamang absent sa ilahang matag session.

Matud pa sa Mayor nga isip mga opisyal sa Barangay kinahanglan nga serbisyohan ang katawhan og sakto labi na nga mga pinili sila sa katawhan sa milabayng eleksiyon.

Kahinumduman nga una ng nagpasar og resolution ang Sangguniang Panlungsod sa Gensan pinaagi sa Komitiba ni City Kagawad og Atty Edmar Yumang nga mao usab ang Committee Chairperson sa Blue Ribbon nga suspendihon og 60 ka adlaw si Barangay KagawaD Montaño og 90 ka adlaw si Kagawad Quoban tungod sa kanunayng absent sa session.

Kahibaluan nga gireklamo ni Barangay Kapitan Joey Dinopol ang duruha ka mga Barangay Kagawad tungod sa wala nila pagsipot sa mga session sa matag bulan og walay abiso kaniya tungod nakaapikto na kini sa ilahang mga serbisyo tungod naghupot ang duruha ka mga sinsitibo og importanteng mga komitiba sama na lamang sa Peace and Order og Finance.

Sa pagkakaron anaa na sa buhatan ni Mayor Ronnel Rivera ang desisyon kung iyaha ba kining ipahamtang ang giaprubahang resolution sa Sangguniang Panlungsod o dili una. (Emir Bariquit)

Facebook Comments