Nagalab-ot sa P350K nga kantidad sang ginasupetsahan shabu ang nakumpiskar sang Philippine Drug Enforcement Agency (PDEA 12) kag Polomolok MPS sa duha ka mga estudyante sa ginpatigayon nga buy-bust operation sa Miranda St., Polomolok, South Cotabato alas 8:40 kagab-i, Mayo 4, 2018.
Ginkilala ang mga suspetsado nga mga estudyante kanday *Jechael Edullante Manipon*,24 –anyos, single, kag *Ariel Hitucas Delina*,21-anyos, single, pareho high value target kag residente sang Purok Miana, Poblacion, Polomolok, South Cotabato.
Nakuha sa mga suspek ang 3 ka heat–sealed transparent plastic sachet sang ginapatihan “shabu”, may kabug-aton nga more or less 51 grams kag nagakantidad sang P346,800.00 kag marked money nga One Thousand pesos, 1 ka unit sang mobile phone kag 1 ka motorsiklo nga ginagamit sang mga ini sa illegal drug transactions.
Naaresto ang mga suspek matapos nga magpasugot nga magbaligya sang shabu sa kantidad nga P1,000.00 sa poseur buyer.
Kaso naman nga pagbayolar sa Sections 5 (Sale of Illegal Drugs), 11 (Possession of Illegal Drugs) kag 26 (b) (Conspiracy to sell) sang RA 9165 ukon “The Comprehensive Dangerous Drugs Act of 2002” ang ipasaka batok sa mga suspek.
