2 ka motorsiklo nagbangga-1 patay, 4 angol

45

South Cotabato— usa patay samtang upat ang angol sa nahitabong disgrasya sa kadalanan atubangan sa Dole Phil. Incorporated nga nahimutang sa Purok Chavez, Barangay Edward, lungsod sa Tiboli, South Cotabato alas 8:20 niadtong nakalabayng adlaw.

Biktimang namatay giilang si Roylan Lamban, 19 , samtang angol ang back rider niining si Ricky Ambol, pulos residente sa Sitio Toril, Barangay New Dumangas.

Subay sa inisyal nga imbistigasyon sa Traffic Management Unit sa Tboli PNP nasayran nga nagbangga ang motorsiklong gimanihuan sa biktimang namatay ug driver nga si Luisito Mallorca Oyao Jr., 35 anyos.

Nasayran nga angol sab si Oyao ingon man ang mga back rider niining silang si Rider Chester Brett ug Cliford Javellana nga pulos taga Barangay Kematu, TBoli. Daling gipangdala sa Ospital ang mga biktima apan gideklarang dead on arrival si Amban human nga nakaangkon ug grabeng samad sa kalawasan.

Sa karon nagpadayon ang gihimong imbistigasyon sa kapulisan kalabutan sa insidenti aron masayran kinsay sad-an sa duha ka mga driver sa motorsiklong nagsungag.

Facebook Comments